غذاء الاسبوع الاول بعد عملية تكميم المعدة
الاسبوع الأولاليوم الأول :- بدأت اول يوم بشرب سوائل شفافة زي الماء والعصائر عصير التفاح او الأناناس (البرتقال ممنوع وكمان الكوكتيل فيه زي رواسب)
شوربة الدجاج او اللحم بدون اي إضافات وياريت ملح خفيف
كنت بشرب الماء بصب الماء في كوب وشرب الماء علي هيئة رشفات صغيرة
كل ربع ساعة رشفه دا اول يوم
ممسموح بشرب السوائل الدافئة كالينسون والنعناع والكركدية
كان في الم في المعدة ومع النفس وكنت بتمشي عشر دقائق كل ساعتين
كمان كنت بردانة شوية علشان عملت العمليه في آخر يناير
الجرح بيتغير عليه مرتين يوميا بمطهر البيتادين
اليوم الثاني :- نفس اليوم الأول بس شرب الماء بيكون اكتر شوية
ياريت تزودوا شرب السوائل ل6اكواب في اليوم
التزموا بالعلاج والغير علي الجرح والمشي كل ساعة
اليوم الثالث:- الألم قل كتير واستغنيت عن المسكنات
حتي الآن كنت لسه بشرب الماء دافئ والعصير. برضه بخليه دافئ
الامعاء بتبدأ تعمل أصوات ودخول الحمام يكثر اعزكم الله
اليوم الرابع:- صديقتي عملت العملية معي في نفس اليوم اقترحت عليا اكل جيلي اكلت جيلي بس جالي اسهال يمكن علشان كان بارد وانا كنت معتادة علي السوائل الدافئة فقط
اليوم الخامس :التزمت بالسوائل فقط ووقفت تناول العصير
ملحوظة مسموح اول اسبوع فقط بعصائر بسكر ويتم التحويل للعصائر البيور او بدون السكر في الأسبوع الثاني
اليوم السادس :خرجت من المنزل لمدة ساعه ورجعت
وملتزمة بشرب السوائل فقط
مفيش احساس جوع بس انت شايف الاكل ومش عارف تاكل اصلا
اليوم السابع :- ميعاد متابعة الدكتور
في غرزة واحده فقط يتم فكها بدون ألم يذكر
وبعدها يتم تطهير الجروح يوميا مع عدم تغطيتها
مبسوطه اني خسيت واضح عليا
خسيت حوالي 7كجم
تعليقات
إرسال تعليق