غذاءالاسبوع الثاني بعد عملية التكميم
هنا بندخل مع السوائل شوربة كثيفة شوية زي شوربة العدس وطبعا من غير اي تكتلات
كمان ممكن شوربة خضار او لبن خالي الدسم او زبادي لايت
ممكن اسموزي يعني خليط اللبن بالفواكه
كمان ممكن تناول الجلي و الكاسترد و المهلبية
الاسبوع التاني بدأت احس بالتعب من المجهود وحصل ليا اول مرة قيء لما اكلت معلقتين كاسترد وشربت بعده ماء
طبعا القاعدة الذهبية ممنوع ان تشرب مع الاكل او بعده او قبله
لازم يبقي في فاصل علي الاقل نصف ساعة قبل الأكل وساعة بعد الأكل علشان تشرب ماء
التزمت كويس جدا بعلاج الحموضة لاني حسيت بحرقان بعد الأكل وكنت ماخدتش دواء الحموضة
خرجت من البيت وركبت مواصلات
اول احساس ملموس لتأثير فقد الوزن اني مشيت حوالي عشر دقائق من غي ما انهج
كنت فرحانة جدا
مجمل اللي خسيته حتي نهاية الأسبوع التاني 10.5كجم
هتوقف لحد هنا وهكمل لكم الاسبوع الثالت كمان خمس ايام
ادعولي اوصل للمثالي
تعليقات
إرسال تعليق