تجربتي في تكميم المعدة
اليوم احكي لكم بالتفصيل تجربتي في عملية تكميم المعدة اوقص المعدة
في البداية هاقولكم الأسباب اللي دفعتني اني اعمل العملية
كنت خلاص مش قادرة امشي علي رجلي حرفيا وزني كبير جدا جدا 😒😒(هاقولكم كام بالظبط في نهايه اليوميات)
مكنتش بخرج من البيت الا للشغل وكنت مقضياها مواصلات
وتاكسي او توكتوك علشان اوصل للشغل
نفسي كنت باخده بصعوبة جدا وضربات قلبي سامعها وحاسه قلبي وهيخرج من مكانه
اتعودت علي نظرة الناس ليا اني كائن غريب اول لما ادخل اي مكان
محلات الملابس كلها بلا استثناء مفيش محل دخلته الا ويعلق مفيش مقاسك حتي لو كنت رايحه مع اختي او صحبتي يشتروا حاجه
تعليقات سخيفه من الناس في المواصلات او الشغل أو حتي العيلة انتي مجربتيش تخسي قبل كده طب جربتي تقطعي النشويات خالص طيب جربتي تشربي مايه كتير اقولك خدي ابلكيس
خلااااااااااص انا تعبت مبقتش قادرة كفايه كده هافضل مسجونه في سجن الدهون ده لغاية امتي
من هنا قررت قرار العملية منكرش ان العملية كانت في دماغي بس التكلفه بتاعتها عالية كمان اني هادخل العمليات دي حاجه قلقاني جدا جدا(هاقول ليكم عن حالتي قبل دخول العمليات وقبل التخدير)
الحمد لله ان ربنا وفقني لاختيار العملية وانقاذ ما تبقي من عمري قبل ما يضيع في سجن السمنة
تعليقات
إرسال تعليق